રાજ્યના 15 જિલ્લામાં હવામાન વિભાગે કરી આગાહી, સાંજે 7 વાગ્યા સુધી વરસાદની સંભાવના(Rain Forecast)..

Rain Forecast : રાજ્યમાં ગરમીનો પ્રકોપ યથાવત્ છે, ત્યારે હવામાન વિભાગે આજે ગુરુવારે (29 મે) સાંજે 7 વાગ્યા સુધીનું નાવકાસ્ટ (Nowcast) જાહેર કરીને રાજ્યના 15 જિલ્લામાં હળવા વરસાદની આગાહી કરી છે. આ આગાહી દક્ષિણ ગુજરાત, સૌરાષ્ટ્ર અને મધ્ય ગુજરાતના કેટલાક ભાગો માટે રાહતના સમાચાર લઈને આવી છે, કારણ કે ગાજવીજ સાથેના હળવા વરસાદથી વાતાવરણમાં ઠંડક પ્રસરી શકે છે. હવામાન વિભાગ દ્વારા આપવામાં આવેલી માહિતી અનુસાર, આ આગાહી 3 કલાક માટેની છે. એટલે કે બપોરે 4 થી સાંજે 7 વાગ્યા દરમિયાન વરસાદની સંભાવના છે.

કયા જિલ્લાઓમાં વરસાદની શક્યતા?

Rain Forecast : રાજ્યમાં જે જિલ્લાઓમાં વરસાદની આગાહી કરવામાં આવી છે, તેમાં અમદાવાદ, સાબરકાંઠા, અરવલ્લી, નર્મદા, ભરૂચ, સુરત, નવસારી, વલસાડ, તાપી, ડાંગ, દમણ, દાદરા નગર હવેલી, અમરેલી, ભાવનગર, ગીર સોમનાથ અને દીવનો સમાવેશ થાય છે. આ જિલ્લાઓમાં રહેતા લોકોને સાવચેતી રાહેવા અને વાતાવરણમાં પલટા માટે તૈયાર રહેવા જણાવાયું છે. ચોમાસા પહેલાના આ હળવા ઝાપટાં ગરમીથી પરેશાન લોકોને થોડી રાહત આપી શકે છે, જોકે સંપૂર્ણ રાહત માટે હજુ થોડી રાહ જોવી પડશે. 

30-31 મેની આગાહી

રાજ્યમાં આવતીકાલે શુક્રવારે 30 મેના રોજ મહીસાગર, સાબરકાંઠા, અરવલ્લી, પંચમહાલ, દાહોદ, વડોદરા, છોટા ઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, ગીર સોમનાથ, અમરેલી, ભાવનગર અને 31 મેના રોજ ગીર સોમનાથ, અમરેલી, ભાવનગર, સુરત, તાપી, ડાંગ, નવસારી, વલસાડ, ભરૂચ, પંચમહાલ, દાહોદ, વડોદરા, છોટા ઉદેપુર, નર્મદા જિલ્લાના છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી છે. 

ગુજરાત સહિત 14 રાજ્યોમાં વાવાઝોડા સાથે વરસાદની આગાહી..

Rain Forecast 28 May: ભારતીય હવામાન વિજ્ઞાન વિભાગે (IMD) આગામી 2 જૂન સુધી દેશના વિવિધ ભાગોમાં ભારે વરસાદ, વાવાઝોડું, વીજળી અને ભારે પવનને લઈને ચેતવણી જાહેર કરી છે.  દક્ષિણ ભારત, પશ્ચિમી તટ, પૂર્વ-ઉત્તર ભારત, પૂર્વ અને મધ્ય ભારત તેમજ ઉત્તર ભારતના ઘણા રાજ્યોમાં તેની અસર જોવા મળશે. કેટલાક વિસ્તારોમાં અતિભારે વરસાદ અને ગાજવીજ સાથે તોફાની પવન ફૂંકાવાની સંભાવના છે. જ્યારે કેટલાક વિસ્તારોમાં લૂ (હીટવેવ) નો પણ ખતરો યથાવત છે.

કરા અને હીટવેવની ચેતવણી

જમ્મુ-કાશ્મીર, હિમાચલ પ્રદેશ, ઉત્તરાખંડ, પંજાબ, હરિયાણા, દિલ્હી અને રાજસ્થાનમાં 28 મેથી 2 જૂન દરમિયાન વરસાદ, વીજળી અને 70 કિમી/ પ્રતિ કલાક સુધીની ઝડપે તોફાની પવન ફૂંકાવાનું અનુમાન છે. હિમાચલ પ્રદેશમાં 27 અને 28 મે ના રોજ કરા પડવાની સંભાવના છે. ઉત્તરાખંડમાં 28 મેથી 2 જૂન સુધી ભારે વરસાદની ચેતવણી જાહેર કરવામાં આવી છે. રાજસ્થાન અને જમ્મુના કેટલાક વિસ્તારોમાં 28 મેના રોજ લૂ (હીટવેવ) ની ચેતવણી પણ આપવામાં આવી છે.

અતિભારે વરસાદની સંભાવના

Rain Forecast : કેરળ અને તટીય કર્ણાટકમાં 28 મેથી 2 જૂન સુધી ગાજવીજ અને 40-50 કિમી પ્રતિ કલાકની ઝડપે ફૂંકાતા ભારે પવન સાથે અતિભારે વરસાદની સંભાવના છે. જ્યારે તમિલનાડુ, પુડુચેરી અને કરાઈકલમાં 28 મેથી 2 જૂન સુધી સતત ભારેથી અતિભારે વરસાદ સંભવ છે. આંધ્ર પ્રદેશ, રાયલસીમા અને તેલંગાણામાં પણ આગામી પાંચ દિવસ સુધી ઝરમર વરસાદ, વાવાઝોડું અને 50-70 કિમી/કલાકની ઝડપે પહોંચી શકે તેવા તેજ પવન ફૂંકાવાની સંભાવના છે. તેલંગાણામાં 28-29 મે ના રોજ અતિભારે વરસાદની ચેતવણી આપવામાં આવી છે. ગુજરાતમાં 70 કિમી/ પ્રતિ કલાકની ઝડપે પવન ફૂંકાઇ શકે છે. કોંકણ અને પહાડી વિસ્તારોમાં અતિ ભારે વરસાદની સંભાવના વ્યક્ત કરવામાં આવી છે. 

પૂર્વોત્તર ભારતમાં સતત વરસાદ 

Rain Forecast : આગામી સાત દિવસ સુધી પૂર્વ-ઉત્તર રાજ્યોમાં હળવાથી મધ્યમ વરસાદ સાથે ગાજવીજ અને વીજળી પડવાની સંભાવના છે. મિઝોરમ (28 મે), આસામ અને મેઘાલય (29-30 મે) માટે અતિભારે વરસાદની ચેતવણી જાહેર કરવામાં આવી છે. ઓડિશા, ઝારખંડ, છત્તીસગઢ, પશ્ચિમ બંગાળ અને વિદર્ભમાં 31 મે સુધી વરસાદ અને વાવાઝોડાનું અનુમાન છે. ઓડિશામાં 27 અને 29 મે ના રોજ અતિભારે વરસાદ ખાબકી શકે છે, જ્યારે વિદર્ભ અને પશ્ચિમ બંગાળમાં 29-30 મે ના રોજ વરસાદની સંભાવના છે.

ઉત્તર ભારતમાં આગામી બે દિવસ સુધી તાપમાનમાં 2-3 ડિગ્રી સેલ્સિયસનો વધારો અને પછી 4-5 દિવસમાં ઘટાડો થવાનું અનુમાન છે. મધ્ય ભારતમાં ત્રણ દિવસ સુધી કોઈ ખાસ ફેરફાર જોવા મળશે નહીં, ત્યારબાદ તાપમાન 2-3 ડિગ્રી સુધી વધી શકે છે. પૂર્વ ભારતમાં 5 દિવસ સુધી કોઈ મોટો ફેરફાર જોવા મળશે નહીં.